Starfsfólk Vesturbæjarskóla

Mannauðsstefna Vesturbæjarskóla er að öllum líði vel og það ríki almenn starfsánægja meðal starfsfólks. Grundvallaratriði er að öll sýni tillitssemi, velvild og virðingu í námi, leik og starfi. Í skólanum ríkir það viðhorf að samfélagið eigi að vera lýðræðislegt, aðilar ræða reglulega um áherslur og koma sér saman um meginviðmið. Markvisst er stuðlað að jákvæðum samskiptum og gagnkvæmu trausti allra í skólanum. Samstarf um nám og kennslu er reglulegur þáttur í starfi skólans.